Grischun - Cultura da bajegiar

NOV URDEN DA BAJEGIAR
Ils edifizis che protegian las scuvertas romanas a Cuira han mess novas
mesiras en l’architectura da la Svizra tudestga. Els mussan, co che
l’architectura po transportar significaziuns cun meds minimals.
L’incumbensa era banala: Ina cuverta dueva proteger las restanzas
archeologicas ed a medem temp furmar in pitschen museum. Construidas
èn vegnidas trais hallas ligeras ed ina passarella sco via da colliaziun. Las
hallas creschan ord ils fundaments antics sco reconstrucziuns abstractas
dals edifizis romans; ellas rinvieschan al passà, ma senza reproducir el. La
cuverta exteriura da lamellas da lain è il vel che duai zuppentar il
particular. Las fanestras èn vitrinas che lubeschan in’egliada sin
l’extraordinari en l’intern. Er la passarella è plaina d’allusiuns. La
construcziun da metal distatgada dal terren penetrescha sco in tunnel
transparent ils volumens. La via daventa l’axa cronologica, sin la quala las
visitadras ed ils visitaders entran en il passà. Las furmas da l’entrada e da
las parts che collian las hallas, regordan als passagis tranter ils vaguns da
viafier u, en dimensiun pli pitschna, al fol d’in apparat da fotografar – er
quai maletgs d’in viaditras il temp.
(Architekturzeitschrift Hochparterre)

Collavuraziun
Reto Schaufelbühl

Inschigner da construcziun
Jürg Buchli

Patruns da construcziun
Amt für Bundesbauten

Onn da construcziun
1986

Procedura
Incumbensas da projectaziun

Custs da construcziun
CHF 1,3 Mio.

Link
target=\'_blank\'>www.gutebauten.ch

Litteratura
Zumthor, Peter: Atmosphären. 2006
Clavuot, Conradin: Bauten + Projekte. Skizzenbuch eines Architekten,
2006
Zumthor, Peter: Architektur denken. 2006\'